وش اسوي: أهم ٩ فوائد للشطرنج

١) ينمو دماغك بشكل أسرع و أقوى و أمتن:

عندما تتعلم لعبة تحفزك و تشغل مخك و ترهقك بالتفكير .. تماماً متل العضلة اللي ترهقها بالتدريب بالنادي لحتى تكبر .. هنا دماغك كمان بيكبر و بكوِّن خلايا اسمها تشعبات و كل ما زاد عددها بدماغك كلما زادت سرعة انتقال الموجات بدماغك.

٢) تحفيز نصفي الدماغ بشكل كامل:

دراسة ألمانية أثبتت أن من يلعب الشطرنج يعمل نصف مخن اليميني و اليساري بكفاءة عالية

٣)تحميك من الزهايمر :

من الممكن أن تخرف عندما تصبح كبير في السن، خيث أثبتت دراسة أن الألعاب الاستراتيجية تحمي الدماغ من الخرف مع التقدم بالعمر.

٤) جرعة إبداع :

الشطرنج تحفز التفكير الابداعي يعني التفكير خارج الصندوق و النظر للموضوع من أكتر من زاوية و تفهم وجهات النظر.

لماذا خصمي عمل هيك يا ترى ؟؟ إلى أين يريد أن يصل ؟؟ شو ناوي يعمل ؟؟ كيف لازم رد عليه ؟؟ هي الأسئلة بطرحها لاعب الشطرنج على نفسه بعد كل حركة و هذا الشيء يعزز تفكيره الابداعي ( و يحفز فص الدماغ ).

٥) تحسين قدرتك على حل المشاكل :

لاعب الشطرنج يجب أن يفكر بسرعة و يجب أن يكون مرن بتغيير خطته و استراتيجياته وفقاً لتحركات خصمه و هذا الشيء يحفز عقلك ليصبح مرن و يحل مشاكل حياتك الخاصة و هذا الشيء اكتشفوه بعد دراسة صارت سنة ال ١٩٩٢ على ٤٥٠ طالب بالصف الخامس و لاقو أنو الطلاب اللي بمجموعة (لعيبة الشطرنج) أظهرو نتائج مذهلة بقدرتن على تغيير خططهم و مرونتهم بحل المشاكل.

٦) تخطيط أفضل:

الجزء المسؤول عن التخطيط موجود بدماغك بالفص الجبهي و هاد الجزء بتطور بشكل متأخر نسبياً مقارنة بالفصوص التانية لهيك بتلاقي المراهقين بياخدو قرارات خطأ معظم الاوقات و تفكيرهن أعوج و خططن محدودة. لعب الشطرنج يحفز هذا الفص انو يتطور بوقت مبكر نسبياً و يمكّن من اتخاذ القرارات و لهيك بتلاقي أنو حتى المراهقين اللي بيلعبو شطرنج بياخدو قرارات حكيمة أكتر بكتير من رفقاتن.

٧) الفهم الجيد و السريع للقراءة :

في ناس بتضطر تقرأ البوست ٣ مرات او حتى لازم يعيدو قراءة الجملة مرتين لحتى يفهموها خصوصي إذا كانت الجملة طويلة شوي .. بس مو لعّيب الشطرنج .. لأنو هاد الشخص تعود أنو يضل محافظ على تركيزه و يضل متذكر بداية الخطة و شو صار عالرقعة بآخر ٥ حركات و شو ممكن يصير بالحركتين الجايات و هاد الشي قدر يثبته ستيورات مارغوليس سنة ١٩٩١ لما درس تأثير الشطرنج على قدرة (فهم القراءة) و عمل التجربة على ٥٣ طالب بالمرحلة الابتدائية.

٨) تحسين الذاكرة :

بس للتوثيق .. صارت دراسة هالشي ب بنسلفانيا على طلاب بالصف السادس و الطلاب لعيبة الشطرنج أظهرو نتائج مذهلة مقارنة بالطلاب اللي ما لعبو شطرنج بحياتن.

٩) قدرة تجديد أسرع بعد سكتة دماغية:

الدراسة هون أثبتت انو الشطرنج بتعزز المهارات الحركية عند شخص بعد سكتة دماغية أو إعاقة لأنو بتحفز المخ على التفكير بتوجه القطع عالرقعة بشكل عامودي و أفقي و قطري و محاولة توليد اندماج و تناغم بيناتن.